logo

"Media turniri-3" Haqqında

Azərbaycan Futbol Federasiyaları Assosiasiyasının (AFFA) dəstəyi və İctimai Futbol Təşkilatları İctimai Birliyinin (İFT İB) təşkilatçılığı ilə idman jurnalistləri arasında mini-futbol üzrə üçüncü “Media turnir”i baş tutacaq. Turnirin təşkilində əsas məqsəd, idman jurnalistləri arasında bu idman növünün təbliği, futbolun kütləviliyinin artırılması, idman jurnalistlərinin asudə vaxtlarını səmərəli keçirməsi və sağlam bədəndə sağlam ruh prinsipi və idman jurnalistləri arasında xoş ünsiyyətin yaradılmasıdır.

Qeyd edək ki, idman jurnalistləri arasında keçiriləcək turnirdə PFL-də qeydiyyatdan keçmiş (akkreditasiya ilə təmin olunmuş) idman jurnalistləri (müxbir, reportyor, redaktor, şərhçi), milli komandanın son seçmə mərhələdə keçirdiyi oyunlarda qeydiyyatdan keçmiş idman jurnalistləri və digər idman federasiyalarının mətbuat xidmətinin rəhbərləri (ancaq rəhbəri) iştirak edə bilərlər. Turnir dairəvi sistem üzrə keçiriləcək və 1 dövrədən ibarət olacaq. Qeyd edək ki, turnir qeydiyyatdan keçəcək ilk 8 komanda arasında baş tutacaq.

Komandalar
İdman Azərbaycan
MX United
CBC Sport
Xəzər Lənkəran
Bakı
İnternasional
Partizan
Futbol+ qəzeti

Turnirin keçirilmə şərtləri;
* Oyunların keçirilmə müddəti yarışın təqvimi ilə müəyyən olunur.
* Turnirin təqvimi bir dəfə tərtib edilərək komandalara təqdim olunacaq. Heç bir komanda oyunun başqa vaxta keçirilməsini tələb edə bilməz. Müstəsna hallarda oyunların vaxtı dəyişdirilə bilər. Dəyişdiriləcək oyunların vaxtı üçün hər iki komandanın yazılı ərizəsi İFTİB-nın əməkdaşlarına təqdim edilməlidir.
* Qarşılaşmalar hər biri 20 dəqiqə olmaqla iki hissədən, hissələrarsı fasilə isə 5 dəqiqədən ibarət olacaq.
* Hər bir komandanın hər hissədə 1 (bir) dəfə “taym out” götürməsinə icazə verilir.
* Götürülən “taym out”lar ərzində oyunun vaxtı saxlanılır.
* Hissələrin əsas vaxtına (müstəsna hallar istisna olmaqla) vaxt əlavə olunmayacaq.
* Turnirin oyunları zamanı texniki zonada hər komandadan yalnız 1 (bir) nəfər mülki geyimli şəxsin dayanmasına icazə verilir.
* Oyunların gedişində əvəzetmələrə məhdudiyyət qoyulmur.
* Qapıçı 4 saniyədən artıq topu özündə saxlaya bilməz. Bu qayda aut atışları və küncdən zərbələr zamanı da qüvvədədir.
* Meydanda futbolçuların sayı 5 sahə oyunçusu və 1 qapıçıdan ibarət olacaq.
* Qarşılaşmalar zamanı hər hissədə 5 cərimə zərbəsindən sonra növbəti cərimə 10 metrəlik zərbə ilə tamamlanacaq.
* Oyunlar 5 nömrəli topla oynanılacaq.
* Komandaların heyətlərində əlavə sifarişlər qəbul olunmur.
* Komandalara təqdim edilən sifariş vərəqəsinə maksimum 13 (on üç) futbolçunun adı daxil edilir. Oyunun protokoluna da bu sayda futbolçunun adı və soyadı daxil edilə bilər.
* Qarşılaşmanın başlamasına 10 dəqiqə qalmış matçın protokolu komandanın kapitanları tərəfindən doldurulmalıdır.
* İlk olaraq protokolu nominal meydan sahibi komandanın kapitanı doldurmalıdır.
* Komandalardan biri oyuna gəlmədiyi halda ona texniki məğlubiyyət verilir (0:5 hesabı ilə). Qeyd edək ki, 0:5 hesablı texniki məğlubiyyət verilirsə, bu turnir cədvəlində öz əksini tapacaq. Həmin 5 (beş) qol da turnir cədvəlinə əlavə olunacaq. Əgər hər iki komanda oyuna gəlməzsə, hər ikisinə texniki məğlubiyyət veriləcək. Bu zaman da toplar turnir cədvəlində öz əksini tapacaq.
* Turnir dairəvi sistem üzrə keçiriləcək və 1 dövrədən ibarət olacaq.
* Turnirdə hava şəraiti ilə əlaqədar oyunların keçirilib-keçirilməyəcəyinə Təşkilat Komitəsi qərar verəcək.