İctimai Futbol Təşkilatları İctimai Birliyi AFFA-nın dəstəyi ilə "Çərşənbə Axşamı Liqası"nın ardından 13 komandanın iştirakı ilə daha bir Liqa keçirib. Dairəvi sistem üzrə keçirilən sayca 4-cü futbol liqası 2013-cü ilə təsadüf edib. Yarış 1 dövrəli sistem üzrə keçirilib. Bu layihədə 200 futbolçu qeydiyyatdan keçib. "Futbol Liqası - 2013"də ümumilikdə 78 oyun baş tutub. Sentyabrın 29-da strat götürən Liqaya dekabrın 19-da yekun vurulub. 2012-ci ilin sentyabr ayında AFFA-nın inzibati binasında Liqanın püşkatma mərasimi keçirilib. 4-cü Futbol Liqasının qalibi "Embawood" olub. Görüşlər başa çatdıqdan sonra mükafatlandırma mərasiminə keçirilib. Əvvəlcə Liqada üçüncü pillənin sahibi “AFB Bank”ın yığma komandasına mükafat təqdim olunub. Milli komandamızın və “Qarabağ” Futbol Klubunun hücumçusu Rauf Əliyev kuboku adıçəkilən şirkətin komandasının kapitanı Amil Əliyevə təqdim edib. Ardınca Futbol Liqasında ikinci pillənin sahibi “Comp US və HP” şirkətinin yığma komandası mükafatlandırlıb. Adıçəkilən komandaya isə mükafatları İctimai Futbol Təşkilatları İctimai Birliyinin prezidenti Elxan Tağızadə təqdim edib. Sonda isə "Futbol Liqası -2013"ün qalibi meydanın mərkəzinə dəvət olunub. Yarışın qalibi “Embawood” şirkətinin komandasına isə kubok və mükafatları AFFA-nın baş katibi Elxan Məmmədov təqdim edib. Tədbirin sonunda qaliblərlə xatirə şəkli çəkdirilib.
İştirakçı şirkətlərin sayı – 13 şirkətin birləşmiş komandası
Qeydiyyatdan keçmiş futbolçu sayı – 200 nəfər
1. "Embawood" 2. "Bakcell", 3. "AFB Bank və Az Sığorta", 4. "Comp US və HP", 5. "Crystal Motors", 6. "Nar Mobile", 7. "Azər-Türk Bank", 8. "Hyatt Hotels Baku", 9. "Landmark", 10. "Nobel İnvestment Holdinq", 11. "Parabank", 12. "Nobel OİL", 13. "Yapı Kredi Bank".