İctimai Futbol Təşkilatları İctimai Birliyinin dövlət və özəl müəssisələr arasında təşkil etdiyi "VI Futbol Liqası" 2014-cü ilin layihələrindən olub. 4 ay müddətində davam edən yarışda 8 komandanın iştirak edib və son turun oyunlarında "Finca Azerbaijan" "Hyatt Hotels Baku" üz-üzə gəlib. Otel təmsilçiləri bu qarşılaşmada məğlub olsa da, Liqanı 3-cü pillədə yekunlaşdırıb. Həlledici görüşdə isə "Şərq-Qərb ASC" "Crystal Motors"u üstələyərək turnirin qalibi olub. "Crystal Motors" isə Liqanı ikinci pillədə başa vurub. Son turun oyunları başa çatdıqdan sonra qalib komandalara mükafatlar paylanılıb. Mükafatlandırma mərasimində İctimai Futbol Təşkilatları İB-nin prezidenti Elxan Tağızadə, veteran futbolçular Asim Xudiyev, Oqtay Abdullayev, Ceyhun Sultanov, Tərlan Əhmədov, Aqil Məmmədov və Mahmud Qurbanov iştirak edib. Qaliblərə kubok, diplomlar və müxtəlif hədiyyələr təqdim olunub. Qeyd edək ki, Futbol Liqasının qalibləri yekunda pul mükafatı ilə mükafatlandırılıb. Belə ki, qalib komanda "Şərq-Qərb ASC" 1500 AZN, ikinci pillənin sahibi "Crystal Motors" isə 1000 AZN məbləğində mükafata yiyələnib.
"VI Futbol Liqası"nda mükafat alanlar
Feir-Play komandası - AGBank
Ən yaxşı futbolçu - Tural Mikayılov (İSR Holdinq)
Ən yaxşı futbolçu - Orxan Binəndə (Landmark)
Ən sərrast futbolçu - Ceyhun Əmirəhmədov (Crystal Motors)
Ən yaxşı Qapıçı - Taleh Azadəliyev (Finca Azerbaijan)
