AFFA-nın dəstəyi ilə İctimai Futbol Təşkilatları İctimai Birliyi 2016-cı ildə dövlət və özəl müəssisələr arasında növbəti futbol layihəsini keçirib. Belə ki, təşkilatımız ənənəvi təşkil etdiyi yarışa sayına görə "8-ci Futbol Liqası" adı verib. Bu yarışda "Mətanət A", "Hydrasun Rapid Solutions", "Baku Medical Plaza" və "Kempinski Hotel" ilk dəfə təşkil etdiyimiz yarışda iştirak ediblər. 2013-cü ildə təşkil etdiyimiz "Çərşənbə Axşamı Liqası"nın qalibi olmuş "Embawood"un birləşmiş komandası növbəti dəfə turnirdə iştirak edib. "8-ci Futbol Liqası" dairəvi sistem üzrə keçirilib. Oyunlar AFFA-nın Futbol Akademiyasının meydançasında baş tutub. Komandalar hərəyə 1 dəfə üz-üzə gəliblər. Sentyabrın 20-də Liqanın püşkatma mərasimi keçirilib. Püşkatma mərasimi AFFA-nın inzibati binasında baş tutub. Ümumilikdə, "8-ci Futbol Liqası" sentyabrın 29-da start götürüb dekabrın 24-də yekunlaşıb. "8-ci Futbol Liqasında" ümumilikdə 111 futbolçu AFFA-nın qeydiyyat bazasında qeydiyyatdan keçib. Bu dəfəki turnirdə ən çox qol vuran komanda "Embawood" (63 qol). Yarış ərzində qapısından ən az top buraxan komanda isə "Respublika Bank" olub (14 qol). "8-ci Futbol Liqası"nda hakimlər tərəfindən ümumilikdə 27 sarı vərəqə 4 qırmızı vərəqə göstərilib. “Embawood" komandasını üzvü Rəşad Qədirov isə 21 qolla Liqanın bombardiri adını qazanıb. Yarışın qalibi "Embawood" şirkətinin birləşmiş komandası olub. "Respublika Bank"ın birləşmiş komandası 2-ci, "Mətanət A" şirkəti isə 3-cü yeri tutub. Sonuncu turun oyunları başa çatdıqdan sonra AFFA-nın Futbol Akademiyasının akt zalında Liqanın qaliblərinin mükafatlandırılma mərasimi keçirilib. Tədbirdə A milli komandanın baş məşqçi əvəzi Mahmud Qurbanov, əməkdar məşqçi Ağasəlim Mircavadov, veteran futbolçular Asim Xudiyev, İctimai Futbol Təşkilatları İctimai Birliyinin prezidenti Elxan Tağızadə iştirak edib. Əvvəlcə Ağasəlim Mircavadov və Asim Xudiyev futbolun inkişafı üçün həyata keçirilən layihələrdən, görülən işlərdən danışıb. Mahmud Qurbanov isə futbolun həm də sağlam həyat tərzini tərənnüm etdiyini bildirib. İFT-nin prezidenti Elxan Tağızadə isə rəhbərlik etdiyi qurum tərəfindən bu cür yarışların mütəmadi keçirildiyini, bununla da insanların futbola daha da yaxın olmalarına nail olmaq istədiklərini bildirib. Mükafatlandırılma mərasiminə isə müxtəlif nominasiyalar üzrə fərqlənən futbolçulara diplomların təqdim edilməsi ilə start verilib. Ən yaxşı futbolçu "Park İNN Hotel"dən Emin Məmmədov, qapıçı, "Finca Azerbaycan"dan Ruslan Məlikov, kapitan "Hydrasun Rapid S"dən Akif Hacı Məhərrəmov və 2 feir-pley mükafatı "Kempinski Hotel" və "Baku Medical Plaza"ya çatıb. Daha sonra ilk üç yeri tutmuş komandalara kubok, medal, diplom və pul mükafatları təqdim olunub.
"8-ci Futbol Liqası"nda nominasiyalar üzrə mükafatlananlar
"Feir-Play" komandası - Kempinski Hotel / Baku Medical Plaza
Ən yaxşı futbolçu - Emin Məmmədov (Park İNN Hotel)
Ən yaxşı qapıçı - Ruslan Məlikov (Finca Azerbaijan)
Ən yaxşı kapitan - Akif Hacıməhərrəmov (Hydrasun Rapid Solutions)
İştirakçı şirkətlərin sayı – 8 şirkətin birləşmiş komandası
Qeydiyyatdan keçmiş futbolçu sayı – 111 nəfər.
1. "Embawood", 2. "Respublika Bank", 3. "Mətanət A", 4. "Finca Azerbaijan", 5. "Park İNN Hotel", 6. "Hydrasun Rapid Solutions", 7. "Baku Medical Plaza", 8. "Kempinski Hotel"
