AFFA-nın dəstəyi, İctimai Futbol Təşkilatları İctimai Birliyinin təşkilatçılığı ilə dövlət və özəl müəssisələr arasında təşkil edilmiş "9-cu Futbol Liqası" 2017-ci ilin layihəsidir. 2017-ci ilin mart ayında 10 komanda ilə start götürmüş liqa 4 ay müddətində davam edib. Liqanın həlledici görüşündə "Time Sport L" "Baku Medical Plaza" ilə üz-üzə gəlib. Birincilər rəqibi üzərində qələbə qazanaraq turnirin qalibi adını qazanıb. "Expressbank" liqanı 3-cü pillədə başa vurub. Oyunlar başa çatdıqdan sonra "9-cu Futbol Liqası"nın mükafatlandırma mərasimi start götürüb. Tədbirdə İctimai Futbol Təşkilatları İctimai Birliyinin rəhbəri Elxan Tağızadə, veteran futbolçular Nazim Süleymanov, Şahin Diniyev, Asim Xudiyev və Oktay Abdullayev iştirak edib. Qaliblərə kubok, diplom və müxtəlif hədiyyələr təqdim edilib. Bundan başqa, nominasiyalar üzrə mükafatlar da sahiblərinə təqdim edilib. Sonda xatirə şəkli çəkdirilib.
"9-cu Futbol Liqası"nın qalibi - Time Sport L.
II YER - Baku Medical Plaza
III YER - Expressbank
Liqanın ən yaxşı futbolçusu - İlqar Quliyev (Kempinski Hotel) və Çingiz Mehdiyev (Modern Hospital)
Liqanın ən yaxşı qapıçısı - Nihad Əzizov (Park İNN Hotel)
Liqanın ən yaxşı qolu - Kamal Tağızadə (M/O)
Liqanın ən yaxşı məşqçisi - Aydın Cabbarov (Modern Hospital)
Liqanın bombardiri - İlqar Musabalıyev (AGBank), Nurlan Səfərov (M/O) - 17 qol
Liqanın "fair-play" komandaları - M/O, Hydrasun Rapid S, Kempinski Hotel
Liqanın ən yaxşı kapitanı - Rəşad Məmmədov (Expressbank)
